Bakya, bakya
kelan mauuuso kaya?
Iya’y Pinoy na Pinoy
Sapin na may "Hoy! Hoy!"

Bakya, bakya
Sapin na pangmasa
Murang-mura ang pagpasa
presyo’y baryang-barya.

Bakya, bakya
alam mong may darating
dahil sa tok-tok-aliling
na ingay ang dating.

Bakya, bakya
kung suot mo’y bakya
mapapasayaw ka kaya?
Paa’y di ikahihiya.

Dalawang pares ng tsinelas
sa tabi ng katre
‘sang pares e sa babae
‘sang pares e sa lalaki
tanda na ang mag-asawa’y
Wala, wala, walang-away.

Dalawang pares ng tsinelas
Sa tabi ng tig-isang katre
‘sang pares e sa batang lalaki
‘sang pares e sa tin-edger na lalaki
magkapatid na lalaki
sabay lumalaki.

Sa tsinelas
Namamalas
pamilya’y buo
Hanggang mundo’y gumuho.

Zapatilya, zapatilya
bagay sa sedang paa ng dalaga,
suot ay baro’t saya
o magarang Maria Clara.

Zapatilya, zapatilya
bagay sa araw ng piyesta
kung sumasayaw sa parada
sabay-tugtog ng banda
at sa duloy may Reyna.

Zapatilya, zapatilya
suot ng Reyna Elena
at mga sagala
kaakbay ay Constantino
sa Sta. Cruz de Mayo.